කියන්නම ඕන දෙයක්…..

ගොඩක් දවසකින් ලිපියක් ලියන්නත් බැරි උනා.මම මේ අවුරුද්දේ උසස් ලපළ විභාගයට පෙනී සිටින නිසා පොඩ්ඩක් වැඩ වැඩී.ඒක නිසා ඉස්කෝලේ යන්නත් බැරි උනා.අද මං මේ ලිපිය ලියන්නේ අපේ පාසල ගැන.

 අපේ සර් පින් ඇති වැඩකට අත ගහලා.සන්ධ්‍යා නිරෝෂණි කියන අපේ ඉස්කෝලේ ළමයෙකුට ගෙයක් හදලා දෙන්න යනවා.ඇත්තටම මම දැන ගෙන හිටියේ නෑ සන්ධ්‍යා කියන ළමයා ගොඩක් දුක් විදලා පාසල් එන ළමයෙක් බව.ඒ ළමයට ඉන්න හිටින්න හරියට ගෙයක්වත් නෑතිලු.තාතතත් නැතිලු.අම්මා කූලි වැඩ කරලා තමයිලු සන්ධ්‍යාලට උගන්වන්න්.ඉතන් අපේ සර් මේ බව දැනගෙන ඒ ළමයට උදව් කරන්න හිතලා.ගොඩක් අය ආධාරත් කරලා.දැන් ගෙයක් හදන්න වැඩ පටන්ගෙන.

 ඇත්තටම මට ගොඩක් ආඩම්බරයි අපේ සර් ගැන.මේ වගේ මනුෂ්‍යයෝ ඉන්නේ ගොඩක් කලාතුරකින්.අපේ සර් වගේ ළමයි යහමගට ගන්න උත්සහ කරන වෙන ගුරුවරයෙක් මම දැකල ා නෑ.ඒ වගේම අද අපේ ඉස්කෝලේ මේ තත්වයට ගෙනාවෙත් අපේ සර්.සර්ගෙන් ඉගෙන ගන්න ළමයෙක් ලෙස මට සර් ගැන ගොඩක් ආඩම්බරයි.

දැනුම ගොඩනැඟෙන අයුරු …..

 මොළය තුළ දැනුම ගොඩනැඟෙන ආකාරය දැන හඳුනා සිටීම එය තමාගේ අභිමතය පරිදි භාවිතා කිරීමට පිටිවහලකි. දැනුම ගොඩනැඟෙනුයේ තමාට අනන්‍ය වූ යම් මානසික හැඩතලයකට අනුරූපවය. මේ නිසා දැනුම ගොඩනැඟෙන පිළිවෙළ පුද්ගලානුබද්ධව වෙනස් මුහුණුවරක් ගනී. දැනුම යනු සංඥා යම්කිසි පිළිවෙළකට අනුව මනස තුළ සංවිධානය වීමකි. එමඟින් මොළයේ නව ස්නායු ව්‍යුහයන්හි දත්ත තැන්පත් වනුයේ නිශ්චිත රටාවකට අනුවය. යම්කිසි දත්ත සමුදායක් මොළයේ ගබඩා වී ඇත්තේ සංවිධානාත්මක ස්වරූපයකිනි.

මේ සංවිධානාත්මක ස්වරූපය නිසා මොළයේ ව්‍යුහ ගොඩනැඟේ. මේ නව ව්‍යුහ ගොඩනැඟීමෙන් ඒවා අතර නව අන්තර් සබඳතා ඇති වීම සංශ්ලේෂණ ක්‍රමවේදය අනුව සිදුවේ. සංශ්ලේෂණ ක්‍රමවේදය යනු පවතින දෙය අනුසාරයෙන් ඇතිවන විවිධ දැනුම් ක්ෂේත්‍ර ගොඩනැඟීමයි. එවිට අභිනව ක්ෂේත්‍ර අර්ථකථනය වනුයේ ද පවතින ක්ෂේත්‍රවලට සමානුපාතිකවය. මේ ක්‍රමයේ ප්‍රබල ස්ථාන මෙන්ම දුබල ස්ථාන ද තිබේ. මෙහි ප්‍රබල ස්ථාන නම් නිරතුරුව පවතින දැනුම ආශ්‍රයෙන් නව දැනුම ගොඩනැඟෙන නිසා දැනුම තහවුරු වීමට වැඩි ඉඩකඩක් සැලසිය හැකි බවයි. එසේම පවතින දැනුම ඔස්සේ නව දැනුම විචාර පූර්වකව සලකා බැලීමට මෙහිදී වැඩි ඉඩක් හිමි වේ.

එසේම පවතින දැනුම සංස්කරණය කිරීම්වලට ලක් වේ. ඇතැම් විට පවතින දැනුම පිළිබඳව වැඩිදුර ව්‍යතිරේක කරුණු පවා එක්රැස් කරගැනීමට මෙකී ක්‍රමවේදය ඔස්සේ වැඩි ඉඩක් හිමි වේ. එබැවින් මෙබඳු අවස්ථාවන්හි පවතින මූලික දැනුම තව තවත් තහවුරු වීමට අවකාශ සැලැසේ. වඩා ප්‍රබල ස්මරණ ශක්තියක් ඇතිවීමට තහවුරු වීම අවශ්‍යය.

සංශ්ලේෂණ ක්‍රමවේදයේ දක්නට ලැබෙන දුබලතාවය නම් පවතින දැනුමට වෙනස් දේ සංජානනය වීමේදී පවතින දැනුම ප්‍රතික්ෂේප වීමකට ලක්විය හැකි බවයි. සාරධර්ම ලෙස කලක සිට පිළිගැනී පැවතුණු දෙයක් තවත් අවස්ථාවකදී සාරධර්ම නොවන ලෙස වැටහිය හැකිය. ඒකී හේතුව නිසා මුලින් සාරධර්ම ලෙස සැලකූ දේවල් අත්හැර දැමීමට පවා ඉඩ තිබේ. පොල්තෙල් ආහාරයට ගැනීම නිසා රුධිරයේ අන්තර්ගත මේද ප්‍රමාණය වැඩි වෙතැයි යන දැනුම ලබයි.

 පසු අවස්ථාවකදී පොල්තෙල් ආහාරයට ගැනීම එතරම් අයෝග්‍ය නොවන බවක් ද දැනගනියි. පොල්තෙල් ආහාරයට ගැනීම නොව සත්ත්ව මේදය ආහාරයට ගැනීම අදාළ රෝගී තත්ත්වයට හේතුව බව නිසැක ලෙස දැන ගනියි. මේ සමඟම පොල්තෙල් ශරීර සෞඛ්‍යයට අහිතකර යන දැනුම ප්‍රතික්ෂේප වේ. මේ නිසා යම් කිසි දෙයක් පිළිබඳ ඇති පිළිගැනීම වඩාත් තහවුරු වීම මෙන්ම ප්‍රතික්ෂේප වීම යන ප්‍රතික්‍රියා දෙකම සංශ්ලේෂණ ක්‍රමවේදය තුළ විද්‍යමාන බව පැහැදිලි වේ.

දැනුම ගොඩනැඟීමේදී භාවිත වන අනෙක් ආකාරය නම් විශ්ලේෂණ ක්‍රමවේදයයි. මෙහිදී දැනුම ගොඩනැඟෙනුයේ විග්‍රහය තුළිනි. විශ්ලේෂණ ක්‍රමවේදයේ ප්‍රබල බව නම් මෙහිදී උපයෝගී කරගන්නා දත්ත ගැඹුරින් විශ්ලේෂණය කිරීමට ඇති හැකියාවයි. මෙහිදී තාර්කක ස්වරූපය භාවිත කරන අවස්ථා ද ඇතිවේ.

යමක මතුපිට ස්ථරයේ සිට ඊට පහතින් පිහිටි යට ස්ථර කරා අනුක්‍රමිකව ගැඹුරට පිවිසෙමින් සිදුකරන විග්‍රහයන් මීට ඇතුළත්ය. නිදසුනක් ලෙස යම් විශාල සංඛ්‍යාවක් තව ඊට වඩා කුඩා සංඛ්‍යාවකින් බෙදූ විට අවසානයේදී ලැබෙන දුරටත් නොබෙදිය හැකි සංඛ්‍යාත්මක වූ පිළිතුර දැක්විය හැකිය. එසේම විසඳීමට දුෂ්කර ගැටලුවක පියවර ගණනාවකින් පසුව විසඳුම වෙත ළඟාවීම ද නිදසුනකි. එසේම එක්වරම වටහා ගැනීමට අසීරු යමක් ක්‍රමික පියවර ගණනාවකට බෙදා ඉන් අනතුරුව වටහා ගැනීමට වෑයම් කිරීම ද විශ්ලේෂණ ක්‍රමවේදයයි.

විශ්ලේෂණ යන්න තුළ විග්‍රහ කිරීම අන්තර්ගතය. යමක වටහා ගැනීමට නම් ඒ පිළිබඳ විග්‍රහයක යෙදීම අවශ්‍ය වනුයේ මේ නිසාය. මෙහිදී දැනුම ගොඩනැඟෙනුයේ පියවර ක්‍රමයට අනුවය. ඒ අනුව මුලින් ඇති වූ දත්ත සංඥාවලට ම පසුව ලැබෙන දත්ත සංඥා එක්වීම නිසා මූලික හැඩයේ සංකීර්ණත්වයක් විද්‍යමාන වේ. එවිට මූලික හැඩය ද පවා වෙනස් වී යන අවස්ථා තිබේ. නිතරම දත්ත සංඥා විශ්ලේෂණයේදී පියවරවල සමාන බව මෙන්ම ක්‍රමික බව ද තිබිය යුතුය.

මෙහිදී මොළයේ ස්නායු ව්‍යුහ ගොඩනැඟෙනුයේ මූලික ව්‍යුහ සියල්ල සම්බන්ධ කරගෙන නොවේ. එහිදී සම්බන්ධ වනුයේ අවසාන පියවරට ආසන්නතම පියවර වේ. මේ අනුව පියවර රාශියකින් සමන්විත ස්නායු ව්‍යුහයක එක් එක් පියවර පාසා ක්‍රමික සම්බන්ධ වීමක් ආසන්නතම පියවර තුළ ඇත. එසේම මුල් පියවර සමඟ අවසාන පියවර සෘජුව අසම්බන්ධිතය. අවසාන පියවරේ සිට මුල් පියවරට යා හැකි වනුයේ ඊළඟ ආසන්නතම පියවර ඔස්සේ වීම ද මෙහිදී විද්‍යමාන එක් සුවිශේෂිත්වයකි.

මේ ක්‍රමයට අනුව දැනුම ජාලගතව සම්බන්ධ වන බැවින් අවශ්‍ය වන අවස්ථාවන්හි විචාර පූර්වකව විකල්ප අවස්ථා කරා පහසුවෙන් ළඟාවිය හැකිය. මේ ක්‍රමයේදී මූලික දැනුම දෙවනුවට ලබාගන්නා දැනුම මඟින් ප්‍රතික්ෂේප නොවේ. එසේම දැනුම අනවශ්‍ය පරිදි යළිදු වාරයක් තහවුරු වීමක් ද නොවේ. මේ නිසා කිසිදු අධානග්‍රාහී බවක් නොමැතිව මධ්‍යස්ථව විචාරශීලී අයුරින් කටයුතු කළ හැකිවීම මේ ක්‍රමවේදයේ විද්‍යමාන වාසි සහගත තත්ත්වයකි.

දැනුම ව්‍යුහාත්මකව ගොඩනැඟෙන්නක් ය යන මනෝවිද්‍යාඥයන්ගේ පිළිගැනීම නූතන පර්යේෂණ නිසා ඇතැම් විට අභියෝගයට ලක්වී තිබේ. මන්ද අදාළ ව්‍යුහයන්ගෙන් පරිබාහිරව පවා දැනුම ගොඩනැඟිය හැකි බව පැහැදිලි වී ඇති බැවිනි. මෙය මනසේ රසායනික ද්‍රව්‍යවල සංකීර්ණ වූ ප්‍රතික්‍රියාවක් නිසා ඇතිවන්නක් බවට නූතන මනෝ විද්‍යාඥයන් විසින් අර්ථ දක්වනු ලැබේ. මතකය, දැනුම හා ආවර්ජනය යන ක්‍රියාවලි සිදු වනුයේ ශීඝ්‍ර රසායනික ප්‍රතික්‍රියාවන් මඟින් බව මේ පිළිබඳව පර්යේෂණවලදී සොයාගෙන තිබේ. දැනුම නිරතුරුව ලැබීම නිසා මනස තුළ සංකීර්ණ ව්‍යුහ ගොඩ නැඟෙතැයි මුලින් විශ්වාස කරන ලදී.

මොළය විශාල පරිපථයක් ලෙස සැලකූ විට ඒ තුළ තව ක්ෂුද්‍ර පරිපථ ඇතිවීම දැනුම ගබඩා වීමේදී සිදුවේ. සැබවින්ම මොළයෙන් කුඩා විද්‍යුත් ධාරාවක් නිකුත්ව එය සෙසු ප්‍රදේශ කරා ව්‍යාප්ත වී යයි. අවදියෙන් සිටීමේදී නිද්‍රාවට පත්වීමේදී නිද්‍රාවේ විවිධ අවස්ථාවලදී, සිත සමාධිගතව පවතිද්දී මොළයෙන් නිකුත් වන මෙකී විද්‍යුත් ධාරාවේ තරග ආයාමය ඊට අනුරූප වන පරිදි සුසර කිරීමකට ලක්වේ. මේ අනුව මොළයෙහි ක්‍රියාකාරිත්වය මැන ගැනීම සඳහා මෙකී තරංග ආයාමය සුපරීක්ෂණයට ලක්කිරීම බොහෝ විට නූතන වෛද්‍ය විද්‍යා පර්යේෂණවලදී සිදුවේ. මොළය තුළ හා ඉන් පිටතට විහිද යන මෙකී විද්‍යුත් ධාරාව මොළයේ විවිධ ස්ථාන උත්තේජනය කිරීමට උපකාරී වේ. මොළයේ ක්‍රියාකාරිත්වය නිරෝගීව පවත්වා ගැනීමට මෙකී විද්‍යුත් ධාරාව මොළය තුළ ව්‍යාප්ත වීම අවශ්‍යය.

එසේ නොමැති වුවහොත් මොළයෙහි හා ස්නායු ක්‍රියාකාරිත්වයෙහි කටයුතු අකර්මණ්‍යය විය හැකිය. ඒ නිසා නිරතුරුවම මොළයෙන් නිකුත් වන මෙකී විද්‍යුත් ධාරාව එය නිරෝගීව පවතින අවස්ථාවලදී කිසියම් නියත මට්ටමකින් පැවතිය යුතුය. එහි නියත අගය අඩුවැඩි වීම මොළය නිසි ආකාරයෙන් ක්‍රියා නොකරන බවට සාධකයකි. එසේම මොළයේ මෙකී විද්‍යුත් ක්‍රියාකාරිත්වය මොළය තුළ ඇති ස්නායු සම්පේ‍්‍රෂණ සංඥා දත්ත ගබඩා වීම හා යළි අවශ්‍ය වූ විට ඒවා සිහි කැඳවීම ආදි බොහෝ දේ සමඟ සම්බන්ධය.

මේ විද්‍යුත් ධාරාව සමඟ මොළය ක්‍රියාත්මක වීමේදී මොළයේ ව්‍යුහවල රසායනික ප්‍රතික්‍රියා ලෙස ගබඩා වී තිබෙන දැනුම ද මොළයට අවශ්‍ය අවස්ථාවලදී විටින් විට කැඳවා ගැනීම ද සිදුවේ. දැනුම ගොඩනැඟීමේ ක්‍රියාවලිය සිදුවන්නේ මෙසේ ආපසු මතක ගබඩා වලින් කැඳවනුලැබූ මතක දත්ත හා මොළය වෙත අලුතින් සම්පේ‍්‍රෂණය වූ සංඥා දත්ත අතර සමායෝජනය නිසාය. මොළයේ ඇති සංකීර්ණ ක්‍රියාවලිය නම් මෙකී සමායෝජනයයි. අපට ලෝකයේ ජීවත්වීමේදී අවශ්‍ය කරන්නා වූ සෑම දැනුමක්ම ලැබෙන්නේ මේ සංකීර්ණ සමායෝජන ක්‍රියාවලිය හරහාය. ඉගෙනීම, දැනුම ලැබීම පුරුදු පුහුණුව ලෙස සාමාන්‍ය ව්‍යවහාරය අනුව හඳුන්වනු ලබන්නේ ඉතා සංකීර්ණව මොළය තුළදී සිදුවන මේ සමායෝජන කාර්යභාරයටය.

මේ සමායෝජන කාර්යභාරය සරල බවේ සිට සංකීර්ණ බව දක්වා විවිධ පරාසවලින් යුක්තය. යම්කිසි දත්ත සම්පේ‍්‍රෂණයක් මොළයට ලැබීමේදී මොළය ඒ පිළිබඳව අදහසක් ඇති කරගන්නේ මීට පෙර අවස්ථාවකදී අදාළ සංඥාවට හෝ ඊට සමාන දත්ත සංඥාවන් මොළය වෙත ලැබී එය මතකයේ ගබඩාකර තිබුණහොත් පමණි. එවිට මොළය ඒ පිළිබඳ සුපරීක්ෂා කර අදාළ මතකය තැන්පත්ව ඇතිනම් යළි ආපසු කැඳවා ගැනීම සිදු කරයි. මෙසේ ආපසු කැඳවා ගනු ලැබු මතකය ආගන්තුක දත්ත සංඥාව හා මනා සේ සසඳා බැලීමකට ලක් කරයි.

මෙහිදී ආගන්තුක දත්ත සංඥා මෙසේ ආපසු කැඳවා ගනු ලැබූ මතක දත්තවලට සමාන නම් මොළය විසින් අදාළ ආගන්තුක දත්ත සංඥා හඳුනා ගැනීමකට ලක් කෙරේ. අනතුරුව දත්ත වර්ගීකරණය ද කෙරේ. දැනුම සකස් වීම සිදුවීමට මේ අයුරින් දත්ත සංවිධානය වී පැවතීම වැදගත්ය. මේ නිසා පහසුවෙන් ඒ දැනුම ස්මරණය කළ හැකි වේ. මෙසේ ස්මරණය කළ හැකි වීම දැනුම ප්‍රායෝගිකව භාවිතයට ගැනීමේදී ප්‍රයෝජනවත් ය.

(පුවත් පතක් ඇසුරින්)

 

අපි හරි වාසනාවන්තයි….!

ඊයේ අපේ ඉස්කොලේට singer ආයතනයෙන් බස් එකක් ආවා.laptop පරිගණක තමයි බස් එකේ තිබුණේ.අපි බස් එකට නැගලා වැඩ කලා.ඒ වගෙම ඒ අය අපිට  ict ගැන ගොඩක් විස්තර කියලා දුන්නා.අපි වැඩත් කලා.ගාල්ල දිස්ත්‍රික්කයේ singer ආයතනයේ කළමණාකාරතුමා උපුල් කොස්වත්ත මහතාත් ආවා.ඒ අය අපේ ඉස්කෝලෙට ආවේ අරුණ සර් නිසා.ඒ අය ජල විදුලි බලාගාරයටත් ගියා.ජල විදුලි බලාගාරය දැකලා ඒ අය ගොඩාක් සතුටු උනා අපේ වගේ පුංචි ඉස්කෝ‍ලයක් මේ වගේ ලොකු වැඩක් කරලා තියෙන එක ගානේ.

අනෙකුත් ජාතික පාසල් තිබුණත් ඒ අය අපේ පාසලට පමණක්  මේ වැඩසටහන පෙන්නන්න ආවේ අපේ සර් නිසා.ඒ අය අපේ සර් ගැන ගොඩක් හොද කිව්වා.අපිටත් ගොඩක් දේවල් කියලා දුන්නා.ඉතින් අපිට ගොඩක් සතුටුයි.මේ වගේ අවස්ථාවක් අපට ලබා දුන් ගාල්ල දිස්ත්‍රික්කයේ singer ආයතනයේ කළමණාකාරතුමා උපුල් කොස්වත්ත මහතා ඇතුළු සැමට අප පාසල වෙනුවෙන් ස්තුතිවන්ත වෙන්න ඕන.

අපේ උරුමය

සැපේ දී මෙන් දුකේදීත් සම්පතක් යයි සිතමින් තමන් ලද
ලිපේ තිබූ බත බෙදා ගෙන කෑ යුගේ නැඟි මිහිමතේ රන් දද
හපේ කර ඇති මිනිස්කම දැවි දැවී නුඹ කුස නැඟේ දුම් කඳ
අපේ උරුමය එකා වාගේ විසීමයි නෑ මිතුරුකම මැද

ගතේ සවියෙන් පුරන් වන්නට නුදුන් බිම් කඩ ගොවි පලක්වී
කෙතේ සහලට ගෙවත්තේ එළවළු මිරිස් අල බතල එක්වී
සිතේ සැනසුම සතුට ගොනු වී තිබූ සාමය මහා මෙ රක් වී
අතේ ගිණිගෙන දැවෙයි නොරටින් ගෙනා දේ ඇගැයුමට ලක්වී

එදා නරවිරුවන් තැනූ වැව් අමුණු දාගැබ් දෙවොල් පන්සල්
සදා නුස්මරණීය වී ඇත කළේ ඒවා බලා තුන්කල්
බෙදා දී සිප් සතර බුදුපුත්වරුන් වී සැරසරන පොත්ගුල්
උදා කළ දියුණුවෙන් වන්නේ සිතනවිට සුවඳුක් ය නෑඹුල්

පොලොන් නරු සීගිරි අනුරපුර වගේ නටඹුන් රැඳුණ තැන්වල
නිධන් ගත වටිනාකමක් ඇත යුගෙන් යුගයට පෙර ගමන්කළ
රකින් නට යයි කියා ඒවා සැකය ඇති කර සිත් සතන් තුළ
පිඟන් ගඩොලින් වසා දැම්මොත් ලකුණු නැත පෙර රජ දහන්වල

ලිපේ අළු ටික පොහොර වුවහොත් ගහක් පැලයක් වුව හැදේවී
පිපේ නම් එහි සුවඳ කුසුමක් සුගන්දය දස අත හමාවී
අපේ උරුමය දවාලන්නට නොදී විදු කිරණට මුවාවී
කපේ පවතින තුරා රැකගමු සොබාදම හිටියත් හරස්වී

පුරසාරම් රස කතා…

පුරසාරම්

පුරසාරම් දොඩවන මුතු බණ්ඩා කාලේකට පස්සේ රන්බන්ඩා හමු විය.
ඔවුන් තමන්ගේ ගම් පලාත් ගැන විස්තර කතා කලහ.

මුතු බණ්ඩා: අපේ ගමේ කිරි අල ගහක් තියෙනවා ඒක කොච්චර ලොකුද කියනවනම්
එක දවසක් වැස්සට ඒ ගහේ කොලයක් යට ගමේ මිනිස්සු 100 විතර හෙවනට හීටියා

රම්බණ්ඩා: අප්පේ.. ඕක මොකකද බන් මේ දවස් වල අපේ ගමේ අය මැටි මුට්ටියක් හදනවා
… ඒක කොච්චර ලොකුද කියනවනම් ඒ මුට්ටියේ ගැට්ට උඩ විතරක් මිනිස්සු 200 ක් වාඩි වෙලා වැඩ කරනවා..

මුතු බන්ඩා: මොන එහෙකටද බං ඔච්චර ලොකු මුට්ටියක් හදන්නේ?

රම්බණ්ඩා: අර උඹලගේ ගමේ තියෙනවා කියපු කිරි අල ගහේ අල තම්බන්න……

රයිගමයයි.. ගම්පොළයයි ..

රයිගමයයි ගම්පොළයයි
සිංහල අලුත් අවුරුද්ද එලැඹීමේ පීර..ළතිය නිමිත්තෙන් සුගත් සහ සුසන්ත හීන් අඩියක් ගැසීම සඳහා බාර් එකට ගොඩ වූයේ කාර්යාල වේලාවෙන් පසුවය.
’උඹ දන්නවද වැඩක් සුසන්ත. දැන් අවුරුදු දෙකකට කලින් අපේ මාමණ්ඩියගෙ අවුරුදු 25 ක් පරණ අත් ඔරලෝසුව නාන්ඩ ගිය වෙලාවක කැලණි ගඟට වැටුණා. මේ ගිය සුමානෙ, මාමණ්ඩියා කැලණි ගඟේ නාන්ඩ කිමිදෙන කොට අහම්බෙන් ඒ ඔරලෝසුව හම්බවුණා. විශ්වාස කරපන් සුසන්ත, ඒ හම්බවෙන කොටත් ඔරලෝසුව හොඳට දුවනවා.’ දෙකක් දාගත් සුගත් කීවේය.
’ඒක මොකක්ද බං? අපේ මාමණ්ඩියා දැන් අවුරුදු දෙකකට කලින් නාන්ඩ ගිහින් ඔය කැලණි ගඟටම වැටුණා. අවුරුදු දෙකක් ම වතුර යට ඉඳලා මිනිහා ගොඩ ආවේ මේ ගිය සුමානෙ.’ එය අසා සිටි සුසන්ත කීවේය.
’වෙන්ඩ බෑ! යකෝ ඒ මනුස්සයා අවුරුදු 2 ක් වතුර යට මොනවා කළාද?’ සුගත් ඇසීය.
’වෙන මොනවද? උඹලෑ මාමණ්ඩිය ගෙ ඔරලෝසුව වයින් කර කර ඉඳලා.’ සුසන්ත කීවේය.
ලෝක වාර්තාව
“තමුසෙ එක දිගට දවස් ගානක් නිදි මරලා ලෝක වාර්තාවක් තිබ්බයි කියල ආරංචි වෙලයි මම මේ ආවේ මොනවද තමුසෙ නිදා ගන්නෙ නැතුව කළේ හැබෑට…” තම මිතුරාගේ හපන්කම ගැන උදම් වූ අරුණ මනෝජ් ගෙන් විමසීය.
“මම එක දිගටම කල්පනා කර කර හිටියා…” මනෝජ් කීවේය.
“කල්පනා කළා…” මොනවා ගැනද?” අරුණ විමතියෙන් විමසීය.
“කොහොමද ලෝක වාර්තාවක් තියන්නෙ කියල” මනෝජ් කීවේය.
මළේ කොහොමද?
’කොහොමද තමුසෙගෙ කසාද ගෑනු දෙන්නම මළේ?’ ප්රිවයන්ත, සුගත් ගෙන් ඇසුවේ කාර්යාලයේ විවේකයේදී තේ බොමින් සිටියදීය.
’පළවැනි පවුල මළේ හතු වගයක් කාලා. දෙවැනි පවුල ඔළුව පැලිලා මළා..’ සුගත් කීවේය.
’ෂඞ..! කොහොමද එයාගෙ ඔළුව පැලුණේ?’ ප්රි‍යන්ත ඇසුවේ ශෝකයෙනි.
’එයා හතු කන්න බෑ කිව්වා..’ සුගත් පිළිතුරු දුන්නේ ය.

මොනවා කරන්නද?

ඔබ
ඔබේ දරුවා නිදි කරවූවාද?
අමතක නොකර
මදුරු දැල සකස් කරන්න.
කීං ගාන මදුරුවෙක්
දරුවාගේ නින්දට
බාධා කරන්නට පුළුවන.
දැන් හොඳින් දොර ද අඩවන් කරන්න.
සීත සුළං
පොඩිත්තාට අගුණ වන්නට පුළුවන.
ඇඳේ මෙට්ටය ඔබට විශ්වාස ද?
විශ්වාසද එය ඔබේ දරුවාට
සුව යහනක්මැයි කියා.
එසේ නම් හිත සතුටු කර ගන්න.
උඩට ඇදගත් හොඳ හුස්මකින්
ළය පුරාව ගන්න.
ඉන්පසු මේ ඡායාරූපයේ
නිදා සිටින කුඩා දරුවා දෙස බලන්න.
ඔහුගේ යහනත්, මදුරු දැලත්
බිත්ති නොමැති නිවස දෙසත් බලන්න.
මේ දරුවා අසරණයකු බව සැබවි.
එහෙත් ඔහු සිටින
දුර ඈත ඇෆ්ගනිස්ථානය වෙනුවෙන්
මට කළ හැකි යමක්
නොමැති යැයි සිතා
ඉක්මනින්ම සිත සැහැල්ලු කර ගන්න
අමතක නොකරන්න.

නේක දුක් විඳින මිනිස්සු

අව්වට ද වැස්සට ද
එක ලෙස නිරාවර්ණිත
අබලන් වූ වහළ
දිරා ගිය ලෑලි
ගෝනි පඩංගු
උණුසුම් වූ පේළි ගෙවල්
පිරී ඉතිරෙන කුණු කානු
අපවිත්‍ර වූ වැසිකිළි
ජුගුප්සාජනක දුගඳ
නාවර පෙරා ගත්
කිළිටි ඇඳුම් ඇඟලාගත්
අවිහිංසක මල් කැකුළු
පච්චා කෙටි අවි ගත් මිනිසුන්
ලාබ සළුපිළි වත් සුනු තවරා
දිවා රෑ සරන සමනළියන්
නේක දුක් විඳින ගැහැනුන්
නේක දුක් විඳින මිනිස්සු
අප අතර ම දිවි ගෙවති
අපමණ වූ දුකින්

ඇයි අපිට හැමෝම වළකපන්නේ.ඇයි අපි පියාඹන දුර සීමා කරන්නේ.

අද මම මේ ලිපිය ලියන්නේ ගොඩක් දුකින්. මොකද අද අපේ ඉස්කොලේට කලාපෙන් ගුරුවරු ආවා බලන්න.ඒ අය කියලා අපේ සර්ට ලැබ් එකේ වැඩකටයුතු අපේ ඉස්කොලේ වෙන මිස් කෙනෙකුට භාර දෙන්න කියලා. ඒක අපිට ලොකු ආසාධාරණයක්.මොකද ලැබ් එක මෙච්චර ඉදිරියට ගෙන ආවේ අපේ සර් ගොඩක් දුක් විදලා.ඒවා දන්නේ අපි විතරයි.අනිත් එක සර් ගාව තියෙන තරම් දැනුමක් අපේ ඉස්කොලේ වෙන එක ගුරුවරයෙකුටත් නැහැ. ඒ අය දන්නේ සර්ගේ වැඩවලට අකුල්හෙලන එක විතරයි.සර් ඒ බාධකත් එක්ක තමයි මෙච්චර දුර ආවේ.අපේ ඉස්කොලේ Computer Lab එකක් තිබුණට අපි ඒවා ගැන දැනගත්තේ අරුණ සර් ආවාම පස්සේ.අරුණ සර් අපේ ඉස්කොලේට එනකොට මම හිටියේ 9 වසරේ.එදා ඉදන් අපි අද මෙතෙක් දුර ආවේ සර්ගේ මග පෙන්වීම යටතේ තමයි.එදා ඉදන් සර් ගොඩක් මහන්සි වෙලා කට්ට කාලා තමයි ලැබ් එක ගොඩ ගත්තේ.අපි Computer එකක් අතින් ඇල්ලුවේ සර්  ආවාම පස්සේ.සර් අපිට මුල ඉදන් පරිගණක ගැන කියලා දුන්නා.ඒ ආපු දුරෙන් අපි Blog,Site  කරන්න පටන් ගත්තා.අපි මෙච්චර ඉහලට ආවේ අපේ සර් නිසා.

ඉතින් මෙච්චර මහන්සි වෙලා ගොඩ ගත්ත දේවල් අද ඊයේ ආපු මිස් කෙනෙකුට දීලා ලැබ් එක විනාශ වෙනවා බලාගෙන ඉන්න අපිට බෑ. අනික ඒ මිස්ට ලැබ්  එක භාර දෙනවට පාසලේ කිසිම ළමයෙක් කැමති නෑ.මොකද ළමයි හැමෝම දන්නවා  සර් කරපු  වැඩ ටික   වෙන කෙනෙකුට කරන්න බැරි බව.ඒ මිස් අවොත් වෙන එකම දේ තමයි ලැබ් එක විනාශ වෙන එක.වෙන කිසිම යහපතක් වෙන්නේ නෑ. මම හිතන්නේ ඉස්කොලේ බොහෝ දෙනාට ඔන වෙලා තියෙන්නේ ලැබ් එක පහත් තත්වයකට ඇදලා දාන්න.නැත්නම් මේ ආසාධාරණයට විසුදුම් ඉදිරිපත් කරන්න ඹ්න නේද?

සර්ට උදේ රැ කියලා වෙනසක් නෑ.කොයි වෙලෙත් ලැබ් එක ගොඩ ගන්න තමයි වැඩ කරන්නේ.සර්ගේ මුදලුත් වියදම් කරගෙන තමයි මේ හැම දෙයක්ම කලේ. සර් සර්ගේ ජිවිතේ ගැනවත් බලන්නේ නැතිව ලැබ් එක වෙනුවෙන් මහන්සි වුණා.සර් ඉස්කොලේ වෙනුවෙන් Web site, ඉස්කොලේ විදුලි බිල අඩු කරගන්න විදුලි  බලාගාරයක් හැදුවා.ජල විදුලි බලාගාරයක් තියෙන එකම පාසල තමයි අපේ පාසල.මම හිතන්නේ මේ ඉස්කොලේ වෙන කාටවත් මේ වගේ වැඩක් කරන්න ශක්තියක් , ඕනකමක්  තියෙනවා කියලා.ඉතින් මෙච්චර දෙවල් කරපු  අපේ සර්ව ඇයි ලැබ් එකෙන් අයින් කරන්නේ.මේ වගේ දේවල් කරන්න අපේ පාසලේ වෙන කිසිම ගුරුවරයෙකු නෑ.හිටියත් ඒ කටින් විතරයි.

අපිට මෙච්චර දුක නම් අද අපේ සර්ට කොච්චර දුකක් ඇතිද එච්චර කට්ට කාලා ගොඩ ගත්ත ලැබ් කෙනෙකුට භාර දෙන්න කිව්වම.ඇත්තෙන්ම මේ චැඩ කරන්නේ අපේ ලැබ් එක ඉහළට යනවට කැමිති නැති අය. ඒ අය තමයි මේ පැත්තේ වැඩිපුර ඉන්නේ. ඒ අයට පුළුවන් වැඩ කරන මිනිස්සුන්ට වළ කපන්න විතරයි. මීට පස්සේ මම Blog එකකට ලියන්නෙත් නෑ.සර් ආපහු ලැබ් එක භාර ගත්තු දවසකට මම අයෙත් Blog එකකට ලියනවා.මොකද අපිට දුකයි අපිත් එක්ක එකට වැඩ කරන් ආපු අපේ සර් නැතිව ලැබ් එකට එන්න.ඇත්තෙන්ම කියනවනම් සුදුස්සාට සුදුසු දේ පැවරිය යුතු බව තමයි මගේ මතය.ගොඩක් දුකයි.මේ වගේ අසාධරණකම් තුලින් වෙන්නේ අහිංසක ළමයින්ට ඉදිරියට යන පාර වැසෙන එක.මම නවතිමි

ලෝකය දැකින්නේ ඕන මෙහෙමයි ….

උඩුබැල්ලෙන් හැරී
ලෝකය දකිමි.
කිසිදු වෙනසක් නැත.
එසේ නම්
මට පෙර
ලෝකය ද
උඩුබැල්ලෙන් හැරෙන්නට ඇත.
වඩා නිවැරැදි
කුමන ඉරියව්වෙන් සිට
ලෝකය දෙස බැලීමදැයි
නොදැනේ.
මා යනු
මා පිළිබඳව
මා සිතන දෙය නොව,
මා පිළිබඳව
ඔබ සිතන දෙය ද නොව,
මා පිළිබඳව
ඔබ සිතන දෙය ගැන
මා සිතන දේ යැයි
මිනිසෙක් කියනු ඇසී ඇත.
එබැවින්
මට කැමති
ඉරියව්වක සිටිනවා මිස
ලෝකය දෙස
බැලීමට
නොවෙහෙසෙමි.