කඳු වැටි මුදුන් වල ගස් මුල් උගුල්ලා
ගම මැද ගැලුව දොල වියළී ගිහිල්ලා
බියකරු වන සතුන් ගම්දොර ඇවිල්ලා
මේකද දේව ශාපයෙ හැටි කියපල්ලා!
සමනල කොලුපැටව් ගම් දොර නැතුවාද?
නැදෑ මිතුරුකම් ගම හැර ගොස් නේද?
උත්තම මිනිස් ගතිගුණ දුරුහන් වීද?
ගමකට මේ කෙරුවෙ කව්රුද මොනවාද?
ගම් මඩු දෙවොල් මඩු බාරය කරණා දිනේ
පංසල කෝවිලේ පුදවිලි තබන තැනේ
උස්මිටිකම් නැතිව එක් වී පෑව සෙනේ
මේ ගම් පළාතෙන් ඇයි ඈතකට වුණේ?
අම්මාවරුන් කිරි දානය තැබුවාම
අනුහස් තියෙනවාලු මුලුගමටම බෝම
හැදුනොත් ලෙඩ දුකක් කිසිවකු හට ඒම
උවටැන් කරණවලු මුලුගම සතුවේම
ළමිස්සියන් ගෙයි දොරකඩ මුවා කොට
සිරිත් විරිත් තිබුණා ගම් තුලානට
ඇවිස්සිලා නව සංකර විලාසෙට
මවත් පියත් ඇත ඔහෙ මං මුළාකොට
Like this:
Be the first to like this post.
ඇත්ත කතාව ගම දැන් ගම ද කියලා හිතෙනවා …………………..!