RSS

සිතුවිලි නවීකරණයෙන් චර්යාව ගොඩ නගන්න

මිනිසා වනාහි මිහිපිට ජිවත් වන බුද්ධිමය සත්ව කොට්ඨාශය බව අප සියලු දෙනා දන්නා පොදු කරුණකි.එවන් මිනිසාගේ සාමාන්‍ය ලක්ෂ්‍යය වන්නේ ආශාවන් පසු පස හබා යාමයි.කොතරම් ආශාවන් තෘප්තිමත් කර ගනු ලැබුවද යමක් ලබා ගැනීමෙන් පසුව එම ආශාව තවත් ඉදිරියට ගමන් කරනු ලබයි.මේ බව සාංදෘෂ්ටිකවාදීන් පුළුල් ලෙස සාකච්ජා කර තිබේ.ඒ අනුව සොරෙන් කියකිගාඩි ප්‍රකාශ කරනු ලබන්නේ “සතුට ඇත්තේ අප ළග නොව අපට මදක් ඉදිරියෙන් බවයි“.එනම් මිනිසා කිසිවකින් තෘප්තිමත් නොවන බවයි.මිනිසා කවදාවත් කිසිම දෙයකින් සතුටු වන්නේ නැත.මේ සතුට සොයා යන ගමනේදී තමන්ට අවශ්‍ය  දේ ලබා ගැනීමට නොහැකි වූ තැන පුද්ගලයා වැරදි ක්‍රියාවන්ට යොමු වන බව බොහෝ අය  ප්‍රකාශ කර තිබේ.ඒ අනුව පුද්ගලයාගේ ආශාවන් තෘප්තිමත් කරගත නොහැකි තැන සමාජ අපගාමී ක්‍රියාවන්ට පුද්ගලයා නිරන්තරයෙන් යොමු වේ.

මේ බව එබ්‍රහ්ම් මාස්ලෝ නැමති මනෝ විද්‍යාඥයා ද ප්‍රකාශ කර තිබේ.ඔහු මේ බව ඉදිරිපත් කිරීමට අවශ්‍යතා ධූරාවලියක් ඉදිරිපත් කර තිබේ.එය පහළ මට්ටමේ අවශ්‍යතාවන් සිට ඉහළ මට්ටමේ අවශ්‍යතා දක්වා ත්‍රිකෝණාකාර අකෘතියකට පෙළ ගස්වා තිබේ.පහළම අවශ්‍යතාවය කායික අවශ්‍යතාවය වන අතරම ඉහළම අවශ්‍යතාවය වන්නේ ආත්ම සාක්ෂාත්කරණ අවශ්‍යතාවයයි. මෙම තත්වයට පත් වූ පුද්ගලයන්ට ලබා ගැනීමට තවත් දෙයක් නොමැත.ඔවුන් මෙලොව ඇති උපරිම සතුට ලබා ගෙන තිබේ.පුද්ගලයා ආත්ම සාක්ෂාත්කරණයට යන ගමනේ ද බාධක පැමිණි පසු  පුද්ගලයා අපගාමී පෞරුෂ  සහිත ත්තවයට පත්වෙයි.ඒවිට සමාජය තුළ නොයෙකුත් ගැටලු ඇතිවන බව ප්‍රකාශ කර තිබේ.

මේ ආකාරයට පුද්ගලයා තුළ ගැටලු ඇති විමට හේතු බොහෝ දාර්ශනිකයින් මෙන්ම මනෝ විද්‍යාඥයෝද අදහස් ඉදිරිපත් කර තිබේ.එනම් බොහෝ ගැටලුවලට හේතුව වන්නේ පුද්ගලයා ආත්මය තෘප්තිමත් කර ගැනීමට යාමේ දී ඇතිවන බාධක නිසාය.මෙම ගැටලු නිරන්තරයෙන්ම සමාජය තුළ ප්‍රබල මාතෘකාවක් වන්නට නිරන්තරයෙන්ම හේතු වේ.අද සමාජය තුළ නිතර නිතර අසන්නට දකින්නට ලැබෙන බොහෝ අපගාමී පෞරුෂ ,අපාගාමී ක්‍රීයවන් මෙන්න මේ කියන ලද තත්ව මත ඇති වේ.මෙම තත්වයන් අවම කර ගත නොගතහොත් එය සාමාජයට එක් එක් පුද්ගලයාටත් විශාල ගැටලු රාශයකට මුහුණ පෑමට සිදුවිය හැකිය.

මෙවැනි ගැටලුවලට  මුල වන්නේ මිනිස් මනසයි.සියල්ල සිදුවන්නේ මනස ප්‍රබලතම සාධකය කරගෙනය.එනම් පුද්ගල සිතුවිල්ලයි.පුද්ගල සිතුවිල්ල වෙනස් කිරීම තුළින් පුද්ගලයාගේ චර්යාව වෙනස් කළ හැකිය.එනම් පුද්ගලයා සිතන ආකාරය වෙනස් කිරීමෙන් මෙවැනි ගැටලුවලට විසදුම් සෙවිය හැකිය.විශිෂ්ටත්වය  හබා යන පුද්ගලයින් සාර්ථකත්වයේ රහස මුලින්ම දත යුතුය.ඇත්තෙන්ම සාර්ථකත්වයේ රහස කුමක්ද? යන්න පිළිබදව තනි තනි පුද්ගලයා සිතිය යුතුය.ඒ සදහා

  • ධනාත්මක ස්වයං ප්‍රතිරූපයක් ගොඩ නගා ගැනීම

  • බාහිර සිදුවීම් සුබවාදී ලෙස දැකීම

  • ධනාත්මක මානසික ආකල්පයක් ගොඩනගා ගැනීම

  • හැකිය යන චින්තනය පැවතීම

  • ධනාත්මක තිරසාර හැසීරීම

  • ඔකිනෙක ගැළපෙන ළුලදායී කුසලතා

  • පෞද්ගලික කැපවීම

  • තමා ගැන අචල විශ්වාසය

ආදිය ජීවිතයට ලං කර ගත යුතුය.ඒ තුළින් ජිවිතය තුළ ගැටලු අවම කර ගැනීමේ හැකියාවක් පවතී. පුද්ගලයා ආත්ම සාක්ෂාත්කරණය කර ගැනීමට යන ගමනේදී එය ඉනිමගක් වනු නොඅනුමානය.ඒ අනුව ගැටලු අවම කර ගැනීමට නම් පුද්ගලයා වෙනස් විය යුතුය.එනම් සිතුවිල්ල වෙනස් කර ගත යුතුය.එවිට පුද්ගල චර්යාව වෙනස් වී සුභවාදී පුද්ගයින් සමාජයට බිහි වනු ඇත.එය සමාජ සංවර්ධනයේ මුලික අඩිතාලම වේ.

 

Advertisements
 
4 Comments

Posted by on September 9, 2017 in මගේ අදහස්

 

ගිං ගඟ, නුඹ නම් හරි පුදුමයි.



දහසකුත් මිනිසුන්ගේ ජිවිතවලට පණ දුන් ඔබ,
කිමදැයි මේ කල විපත.
ටිටෙක ජිවිතට පණක් ලබා දුන් ඔබ,
කුරිරු ලෙස මෙතරම් චණ්ඩ වුණේ කීම.
ඔබ දුන් ජල කදට වඩා,
බර වැඩි අද,
අනේක විද දෙනෙතින් වැටෙන,
අදෝනාබර කදුළු කැට.
එහෙත් ,
පුදුමයි නුඹ අද,
කිසිවක් නොවුණු ලෙස
කිසිවක් නොකළ ලෙස
නැවත ගලායන අපූරුව.

(2017-05-26-ගංවතුර නෙළුව)

 

කාලය මැව් වෙනසක අරුමේ…….

කතා කරන්න් හිතුනා අපි ගෙවුවා ඒ සුන්දර ලමා කාලය ගැන.අම්මෝ මතක් වෙනකොටත් යන්න හිතෙනවා ඒ කාලේට.අපි කරපු වැඩ.දැන් ඉන්න ළමයි නම් දන්නේවත් නැතුව ඇති.දන් ළමයින්ට මොකටද ඒවා.ඔක්කෝටමත් හරියන්න ෆෝන් තියෙන්නේ ගේම් සෙල්ලම් කරන්න.ඒ අය ලොකුවට දන්නේ එච්චරයි.දැන් ළමයිට බත් කවන්නත් ෆෝන එක නැතුව බෑ.ෆෝන් එක නැත්නම් බත් කන්නෙත් නෑ.ඊට වඩා හොදයි ෆෝන් එක කන්න දුන්න නම් කියලත් හිතෙනවා.

අපි පුංචි කාලේ සෙල්ලම් කලේ සෙල්ලම් ගෙවල් හදලා.කෝම්පිට්ටු හදනවා.මඩේ නටනවා.කුඹුරේ තමයි ඔට්ටු සෙල්ලම් කලේ.එතකොට වැස්සේ තෙමී තෙමී නටනවා.අපි පුංචි කාලේ වැස්ස හරිම දගකාරයි.වැස්සේ තෙමෙන්න හරිම ආසයි.දෙමාපියන්ගේන් ලොකු බලපෑමකුත් නෑ.වැසේසේ නැටුවා කියලා මඩ අතගෑව කියලා ඒහෙම අසනීප හැදෙන්නේත් නෑ.මොකද ඒ ජිවිතේට අපි පුරුදු වෙලා හිටිය නිසා.අද කාලේ දෙමාපියෝ වැලි පොඩ්ඩක් අතින් අල්ලන්න දෙන්නේ නෑ දරුවට.වැස්සකට ආසාවට තෙමෙන්න දෙන්නේ නෑ.හදිසියෙන්වත් තෙමුනොත් ළමයා හොදටම අසනීප වෙනවා.ළමයි ඒ තරම් සීනි බෝල වෙලා.

මට මතක් වෙනවා මේ වේලාවේ මගේ ඉස්කෝලේ කාලේ.අපිට නම් වාහන තිබුනේ නෑ ඉස්කෝලෙට යන්න.හැමදාම ගියේ පයින්.ඉස්කෝලේ ඇරිලා යනකොට පාරේ දෙපැත්තේ වෙරළු ගහක් හරි රඹුටන් ගහක් හරි තිබුනොත් ගෙදර යන්න පොඩ්ඩක් පරක්කු වෙනවා.මොකද ගස් යට පොඩි පරීක්ෂාවක් කරනවා.රඹටන් ගෙඩියත් වෙරලු ගෙඩියක් තියෙනවද බලන්න.අම්මගෙන් බැනුම් ඇසූ අවස්ථාත් නැතුවා නොවේ. අත්තටම ඒ කාලේ මතක් වෙනකොට නම් හරිම අමුතු හැගීමක් හිතට දැනෙනවා.නූතන තරගකාරීත්වය පසු පසු හබා යන දරුවන්ට ඒ අත්දැකීම් නැති වීම ඇත්තටම කනගාටුවට කරුණකි.

මට මේ වේලාවේ සුනිල් එදිරිසිංහයන් ගයනා කළ ගීතයක කොටසක් මතක් වෙනවා.

කළගෙඩි නැටුමට කළගෙඩි සොළවති
නළ වතුරෙන් සැනහෙන දරුවෝ
ගොයම් නැටුමකට දෑකැති සොලවති
කුඹුරක් ඇස නොගැටෙන දරුවෝ

මෙහිදී කිසි දවසක මඩ ගොඩක් නොදැකපු දෑකැත්තක් අත නොගාපු අය ඇවිදින් වේදිකාව උඩ නටනවා.ඇත්තටම ඒ ළමයින්ට ඒ අත්දැකීම් නෑ.නමුත් ඒ ළමයි නටනවා.හැබැයි එහි සෑබෑ සුන්දරත්වය ඔවුන් දන්නේ නෑ.මක් නිසාද යත් පවතින සාම්ප්‍රදායික සමාජය අත්හැර තමයි නූතන සමාජයට පය තබන්නේ.

ඇත්තෙන්ම සමාජයේ පවතින මොනයම් කරුණක් නිසා ළමයින් ඒක් රාමුවකට හිර වෙලා.ළමා කාලය සුන්දරත්වය ළමයාගෙන් උදුරගෙන.ඇත්තටම ඒකට ළමයින් වැරදි නෑ.එක් රාමුවකට කොටු වීමෙන් ළමයාගේ නිදහස සීමා වෙලා තියෙනවා.හැබැයි ළමයාගේ බුද්ධි මට්ටම පෙරට වඩා මේ යුගයේ දියුණුයි.ඒක අපට පිළිගන්න පුළුවන්.නමුත් ගුණදම් වල පහළ බැසීමක් දක්නට ලැබෙනවා.ඒයට හේතුව වශයෙන් කාර්යබහුල ජීවන රටාව පෙන්වා දෙන්න පුළුවන්.එමගින් ළමයා හා අම්මා තාත්තා අතර පවතින අන්‍යොන්‍ය අන්තර් බැදීම ඍණ අගයක් ගන්නවා.ළමයාට අම්මා තාත්තා සමග නිදහසේ කතා කරන්න වේලාවක් නෑ.එවිට ළමයාට ඇති ගැටලු අහන්න කවුරුත් නෑ.තමන්ගේ පාලුව කාන්සිය මකා ගන්න ළමයා විවිධ වැරදි ඇබ්බැහිකම්වලට යොමු වෙනවා.එමගින් ළමයාගේ මනස විකෘති වෙනවා.හරි වැරැද්ද මොකක්ද කියලා පෙන්නේ නැ.කුඩා කාලේ ඉදලම වෛරය,කෝපය ,කාංසාව හිත තුළ තැන්පත් වෙනවා.ඒ තුළින් වෙන්නේ ළමයින්ට සුන්දරව ගෙවන්න තියෙන ලමා කාලය නැති වෙලා යනවා.

මේ දේවල් මෙහෙම නේනේ ඇයි?ඇත්තෙන්ම ළමයාගේ ළමා ගතිය නැති වෙන්නේ වර්තමාන මාධ්‍ය හරහා ළමයාට ලොකු බලපෑමක් ඇති වෙලා තියෙනවා.මොකද දැන් ළමයි මාධ්‍යයට ඇබ්බැහි වෙලා.ළමා වැඩ සටහන් ,ළමයාට ගැළපෙන වැඩ සටහන් නැති තරම්.කිසිම තේරුමක් නැති වැඩ සටහන් බෝ වෙනවා.ළමා ගීයක් ඇහෙන්නේ නෑ.අවුරුදු තුනක හතරක ළමයෙකුට සින්දුවක් ගයනා කරන්න කිව්වෝත් කියන්නේ ආදර ගීත.ඒ ගීත ළමයින්ට කොහෙත්ම ගැළපෙන්නේ නෑ.එවැනි දේවල් වලින් සිදු වෙන්නේ ළමයාගේ ළමා ගතිය නැතිවෙලා යන එක. ළමාවියේ සුන්දරත්වය ළමයාගෙන් ගිලිහිලා යන එක.ඇත්තෙන්ම එය ළමයාට වෙන ලොකුම ආසාධාරණයක්.

ඉතිං ළමා වියේ සුන්දරත්වය ළමයාට විදින්න ළමයාට හිමි වනවා නම් බුද්ධිමත් මෙන්ම ගුණගරුක ළමා පරපුරක් බිහි වනු නොඅනුමානය.විශේෂයෙන් මෙහිදී දෙමාපියන් අත ලොකු භාරධූර වගකීමක් තියෙනවා.එනම් දරුවා එක පොදු රාමුවක කොටු නොකර දරුවාට නිදහස විදින්න ඉඩ ලබා දීමයි.එනම් දරුවා තරගකාරීත්වය තල්ලු නොකර දරුවාගේ හැකියාවන් හදුනා ගෙන ඒ හැකියාවන් තුළින් ඉදිරිය පෙන්වා දීමයි.දරුවාට නිදහස දෙන්න.දරුවා ආස කරන ක්‍රියාකාරකම් කරන්න ඉඩ දෙන්න.ස්වභාව සෞන්දර්ය රස වීදීමට අවස්ථාව ලබා දෙන්න.අනෙක් ළමුන් එක්ක දරුවා සංසන්දය කරන්න යන්න එපා.මොකද අපේ අතේ ඇගිලි පහ පස්විදියක්.දරුවන්ගේ දක්ෂතා එකිනෙකාගෙන් වෙනස් වෙනවා.ළමයාට ළමා කාලය විදින්න ඉඩ දෙන්න.අනාගතය භාර ගන්නේ ඉන්නේ ළමා පරපුර.එහෙව් පරපුර නැණයෙන් ගුණයෙන් අස්වැද්දීමට දෙනෙත් ඇරිය යුතු කාලය ළගා වී තිබේ. ඉතිං දෙනෙත් අරින්න .දකින්න මල් කැකුළු.රකින්න නෙත් වගේ.

 

 
 

Tags: , , , , , , ,

පේමයේ සොදුරු වේදනාව

දුයිෂෙන්ට අල්තිනායි,දෙවෙන්දරාසංට නොරීකෝ,රෝමීයෝට ඡුලියට් එදා හමුවෙලා තිබුණනම් පේමයේ විරහව මේ තරම් සොදුරු වෙන්න නොතිබුනා මේ වත්මන් පරපුරට.

අපි ආදරේ කරල ඒ ආදරෙන් පැදුනාට පස්සෙ උනත් ඒක සිහි කරන්න කැමතියි. ඒක දුකක් උනත් අඩුම තරමින් සිහිනෙන් හරි ඒකෙ රසය විදගන්න කැමති. තමන්ට අයිති නැති උනත් කවුරුද අකමැති හීනෙන්වත් එතෙන්ට ළං වෙන්න.

වර්තමානයේ බිහි වූ ගීත අතරින් හදවත දිනූ ගීතයක් මේක.බෝහෝ හදවත්වලට සමීපයි.ඔබ වරක් හෝ ආදරයෙන් පැරදුන කෙනෙක්නම් සැබැවින්ම ඔබ සමාධිගත වේවි! නෙතූ පියාගෙන රසවිදින්වින.ඔබටම වැටහේවී විරහව හැමෝටම පොදු, සොඳුරුතම වේදනාවක් බව.

ඉකිගසා හඬන අතීතයක
කඳුළු එක්ක ගනුදෙනු කරනා
මට මගේ නොවන
මගේම ආදරයක් තිබුණා…

හීනෙන් හිනැහී තුන්යම මා රවටා..
මැදියම් මහ රෑ අදටත් දුක ඉඟිලෙනවා..
නින්දෙන් ඇහැරී කළුවරේම යලි සොයනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..

රිදුමක් වගේ කිසිදා සුව නොවෙනා..
සුසුමින් විතරක් නිරතුරුවම පිරිමදිනා..
මුහුණනු බැරිතැන උණු කඳුළුම වගුරුවනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..//

ගායනය : අමරසිරි පීරිස්
පද රචනය : අමිල තේනුවර
සංගීතය : දර්ශන රුවන් දිසානායක

51ac4c035f93742146

 
6 Comments

Posted by on August 9, 2016 in Uncategorized

 

නිශ්ශබ්දතාවය

නින්දනීය අපහාසයටත්,
පදනම් විරහිත චෝදනාවටත්,
කදිම පිලිතුර
ගෞරවණීය
නිශ්ශබ්දතාවයයි

images (3)

 
2 Comments

Posted by on August 2, 2016 in Uncategorized

 

මතක් කර ගන්න…..එදාට

ජිවිතේ නරක කාලේ ආවාම
හැමෝම අපෙන් ඈත් වෙලා යනවා.
නැදෑයෝ…යාළුවෝ…බොහෝ අය…
එහෙමටත් කෙනෙකු තමයි
අපි ලග රැදෙන්නේ.
ඒත් ඒ වැරදිච්ච මිනිස්සුන්ටම
නැවත හොද කාලයක් එනවාමයි
එදාට මතක් කර ගන්න යමක් අපට තියෙනවා.
ඒ අපට නැති වුනේ අපට ආදරයක් නැති
වැඩකට නැති උදවිය කියන එක.

images

 

Tags: , , ,

තමන් තමන්ගේ හදවතටම කතා කරන්න..

 බොහෝ මානසික ගැටලු එක්ක ජීවත් වෙන පුද්ගලයෝ ඕන තරම් මේ සමාජයේ ඉන්නවා.සමහර අයට ජීවිතේ කලකිරිලා.සියදිවි නසා ගැනීමට තරම් මානසික පීඩනය වැඩි වෙලා.ආදරය,රැකියාව,මුදල් මේ ඕනම දෙයක් පුද්ගලෙයකූගේ මානසික තෘප්තිය සදහා මෙන්ම මානසික අවපීඩනය සදහා හේතුවක් වෙන්න පුලුවන්.ඉතිං මං අද හිතුවා ධනාත්මකව හිතන්නේ කොහොමද කියලා කියන්න.මං ලේඛන භාෂාවෙන් මිදිලා කථන භාෂාවෙන් මේ ලිපිය ඉදිරිපත් කරන්න හිතුවා.

ඇයි එකම දේ කල්පනා කරන්නේ. ජීවීතේ එපා වුණු කාලයක් තියෙන්න පුලුවන්.මිනිස්සුන්ට හැමදාම වරදින්නේ නෑ.හැදියං.උබව රිද්දපු අයට පෙන්නම හොදට හැදියං..උබට ඇත්තටම ආදරේ කරන අය දවසක උබ වටේ එකතු වෙයි.ලැබෙයි.එතකං ඡිවිතේ ගැන ධනාත්මකව හිතපං.ආදරේ කියන්නේ ඡිවිතේ නොවන බව දැනගනිං.උබට ආදරේ කෙනෙක් කවදාවත් උබව දාලා යන්නේ නෑ.යන්න කිව්වත් යන්නේ නෑ.මේ ලෝකේ කොච්චර දේවල් නැති මිනිස්සු ඉන්නවද.උබට මොනවද නැති වුනේ.මුකුත් නෑ.තවත් මෝඩ වෙන්න එපා.හිතපං .කල්පනා කරපං. ජිවිතේ ගොඩ යන හැටි.උබ දන්නවද මේ ලෝකේ ගොඩාක් මිනිස්සු ජිවිතේ දිනුවේ දුක් ගොඩාක් විදලා කියලා.කියවපං පොත්.බොලද කතා නෙවෙයි.දෙයක් ගන්න පුඵවන් පොතක්.තමන්ටම කතා කරපං.තනියම ගොඩ යන හැටි ප්ලෑන් කරපං.සමාජය ගැන නිතර අවදියෙන් ඉන්න පුරුදු වෙයන්.උබව වට්ටවන්න ගෝඩාක් මිනිස්සු බලන් ඉදීවී.එතකං උබ නිදාගෙන ඉන්න එපා.අවදි වෙයං.ලෝකයා දහසක් දේ කියාවී.උබ ලෝකය කියන ඒවා අහන්න එපා.උබට හරී කියලා හිතෙන දේ කරන්න උත්සහ ගනිං. තමන්ට ඉස්සෙල්ලා ආදරේ කරන්න ඉගෙන ගනිං.තමන්ට වටිනා කමක් දීපං.එතකොට උබටම තේරෙවී ජිවත් වෙනව කියන්නේ මොකක්ද කියලා.

තමන් තනියම තමන්ට කතා කරලා බලන්න.ඕනෑම ගැටලුවකදී මානසිකව ඇඳ වැටෙන්න එපා.එතකොට ධනාත්මක සිතුවිලි නිරන්තරයෙන් ඔබ කරා ලගා වේවි.ඔබේ ජිවිත ජය නිරන්තරයෙන් තහවුරු වේවී.

 
 

Tags: , , ,